حلوى عش العصفور

حلوى عش العصفور

المقادير
عجينة الفيلو: pâte phyllo
4 كيلات فرينة
نصف كيلة سمن (مزيج بين السمن و مرغرين التوريق بالتساوي)
قرصة ملح
ماء وماء الزهر
مايزينة (نشاءالذرى)

مقادير الحشو
2 كيلات لوز مرحي بقشورو
1 كيلة جوز مرحي
1 كيلة ناقصة 2صباع سكر تسكار
لافاني
بيض نلم بيه

مقادير الشربات 
1 كيلو سكر
3 كيسان كبار ماء
قطعة ليمون او قطعة صغيرة شب 

طريقة تحضير العجينة pâte phyllo
نخلط الفرينة +قرصة ملح + خليط السمن ذايب ثم نبلل بماء والماء الزهر ونطمها حتى نتحصل على عجينة متماسكة , نقسمها الى 10 كورات, نغطيها ببلاستيك و نتركها ترتاح , ثم نحل بالوحدة ونرش المايزينة ونحط فوقها الاخرى و دائما نرش المايزينة بين الطبقات , ثم نحلهم مع بعض بالحلال حتى تصبح عجينة وحدة رقيقة شويا , نقطعها مستطيلات و نحلهم في ماشينة البقلاوة نحل في رقم 4 ثم في رقم 6 و نقطع دوائر ونديرهم في لي مول يكونو شوية كبار و هابطين ماشي كيما تع الدزيريات

طريقة تحضير الحشو
نخلط اللوز و الجوز و السكر و لافاني و نبلل بالبيض حتى نتحصل على عجينة ماتكون جارية و لا يابسة تكون متوسطة , نغلفها ونتركها ترتاح ثم نشكل حلابش ونضع كل حلبوش في طابع المعمول ونضغط حتى نتحصل على الشكل مثل الصورة 
ندهن العجيبة الي في المول ببياض البيض ونضع الحشو الي تحصلنا عليه في الداخل ,ثم ندخلهم الفرن يطيبو ,ثم نغطسهم في خليط الشاربات والعسل ونزينهم في الوسط بالمكسرات ( بندق ولوز وبيستاش)